بە ڕاپۆرتی ئاژانسی هەواڵی مێهر بە گێڕانەوە لە "بغداد الیوم"، محەمەدکازم ئالی سادق باڵوێزی ئێران لە عێراق ئەوڕۆ سێ‌شەممە لە لێکداونێکدا وێڕای لێکدانەوەی ئاستی باڵای ئاڵوگۆڕی بازرگانی نێوان تاران و بەغدا، وتی: پەیوەندی ئابووری نێوان دوو وڵات زۆر باشە، بەڵام ئێمە خوازیاری پەرەپێدانی زیاتری ئەم پەیوەندییەین.
باڵوێزی ئێران ئاستی ئاڵوگۆڕی بازرگانی نێوان دوو وڵاتی ١٠ تا ١١ ملیارد دۆلار لێکدایەوە و جەختی کرد: عێراق وڵاتێکی گرنگ لە ڕۆژهەڵاتی ناوینە و پەیوەندیی ئابووری، سیاسی و کۆمەڵایەتیی زۆر گرنگی لەگەڵ ئێران هەیە.
ئالی سادق وتیشی: سنوورەکانی ئێمە لەگەڵ عێراق دوور و درێژە و هەر ئەمەش بۆتە هەوێنی پێداگری لە هاوکاریی بەردەوامی نێوان دوو وڵات.
Your Comment